Жыл сайын бүкіл әлем Дүниежүзілік қан доноры күнін — өзгелердің өмірін құтқару үшін өз қанының бір бөлшегімен бөлісетін үлкен жүректі жандардың мерекесін атап өтеді. Осынау айтулы датаға орай, өткен сенбіде Облыстық қан орталығы біздің ардақты донорларымыз үшін ерекше мерекелік іс-шара ұйымдастырды.Бұл күннің басты кейіпкерлері — дәрігерлер мен пациенттерге үнемі көмекке келетін жандар болды. Мереке барысында орталық аумағы ерекше түрленіп, қонақтар үшін шынайы алғыс пен жылылық атмосферасы орнады.Облыстық филармонияның арнайы шақырылған әртістері донорларға тамаша музыкалық нөмірлер мен сүйікті әндерін тарту етті.Құрметті донорларға «Алғыс хаттар» мен естелік сыйлықтар табыс етілді.Сіздерге мықты денсаулық, ұзақ та бақытты ғұмыр, бейбітшілік пен бақ-береке тілейміз!Мерекелеріңізбен! Дүниежүзілік қан доноры күні құтты болсын!