Бекібаев Руслан Амангелдіұлы
«Маңғыстау облыстық қан орталығы» ШЖҚ МКК директоры
Құрметті сайт оқырмандары!
Сіздерді «Маңғыстау облыстық қан орталығы» ШЖҚ МКК-нің ресми сайтындағы директор блогында қарсы алғаныма қуаныштымын!
Қан орталығының басты мақсаты – халықты сапалы және қауіпсіз қан компоненттерімен қамтамасыз ету, ерікті және өтеусіз қан донорлығын дамыту, сондай-ақ донорлар мен реципиенттердің қауіпсіздігін қамтамасыз ету.
Донорлық – адамгершілік пен мейірімділіктің, жанашырлық пен азаматтық жауапкершіліктің жарқын көрінісі. Бір адамның қан тапсыруы бірнеше адамның өмірін сақтап қалуға мүмкіндік береді. Осы орайда, қан донорлығы қозғалысына белсенді қатысып жүрген барлық азаматтарға шынайы алғысымды білдіремін.
Біздің орталық өз қызметінде сапа мен қауіпсіздік талаптарын басты назарда ұстап, заманауи технологияларды енгізуге және халыққа көрсетілетін қызметтердің сапасын арттыруға тұрақты түрде жұмыс жүргізеді.
Бұл блог арқылы сіздер өздеріңізді қызықтырған сұрақтарыңызды қойып, ұсыныс-пікірлеріңізді білдіре аласыздар. Ашық әрі сындарлы диалог біздің жұмысымызды жетілдіруге және халықпен өзара байланысты нығайтуға мүмкіндік береді.
Баршаңызға зор денсаулық, амандық және игілік тілеймін!
Құрметпен,
Бекібаев Руслан Амангелдіұлы
«Маңғыстау облыстық қан орталығы» ШЖҚ МКК директоры